Haptaz Coworking is open from 9 to 5, Monday to Friday
Haptaz Coworking is open from 9 to 5, Monday to Friday
Haptaz Coworking është hapësirë bashkëpunuese që ka për qëllim të akomodojë nevojat në rritje të punonjësve të pavarur dhe kompanive të sapofilluara. Kultura e freelance dhe startup ka peshë të madhe në zhvillimin ekonomik dhe shoqëror të një shoqërie, andaj edhe krijimi i ambientit adekuat është qenësor në këtë drejtim. Haptaz Coworking thellohet më në veçanti në aktivitetet që janë në lëminë e krijimtarisë dhe teknologjisë informative.
Haptaz Coworking si hapësirë bashkëpunuese ka evoluuar natyrshëm si rezultat i shtresëzimit të disa projekteve intervenuese nga Trembelat e SAP, si Ripost, PunPun dhe Motrat. Qëllimi, përveç akomodimit të nevojave është edhe të promovohet krijimtaria, teknologjia informative dhe mendimi i lirë në Kosovë.
Hapësira mundëson liri të zgjedhjes për anëtarët e saj, duke ofruar paketa fikse dhe të adaptuara. Haptaz ka dhomën e takimeve, kuzhinën, depon, hapësirën e përbashkët për ngjarje, tualet, disa printerë në shërbim të anëtarëve dhe internetin e shpejtë me vijë të dedikuar. Secili anëtar ka kartelën e vet të personalizuar.